施明去年病逝後，長子李泳漢獨攬喪事處理權，並全面封鎖骨灰去向，一度造成李家鼎同次子李泳豪不滿。而李家鼎更被長子長期索取資金，成為「人肉提款機」，令個家事成為全城熱話。直到9月中旬，李泳豪證實施明嘅骨灰已順利完成上位儀式，李家鼎總算放下心頭大石並決定復出工作，兩父子嘅生活才重拾正軌。

李泳豪喺 Youtube 灵异节目《香港象神金殿—靈異靈醫》親述多年來遺傳自母親「陰陽眼」嘅靈異遭遇，佢曾多次表示一歲時因被狗咬破頭而差點沒命，幸好施明抱住兒子送醫院急症室搶救，結果縫咗160多針兼輸咗幾包血，成功將兒子嘅命救返。佢坦言：「其實我就想幫返以前養嘅一隻狗，佢係一隻都柏文，但係唔可以話平反，只是將事實公開。」

李泳豪喺節目上憶述當日情況：「嗰陣係喺生死關頭，係我媽咪救返我，嗰陣我老竇拍緊《歡樂今宵》，佢收到消息即刻趕去醫院。當時大家一直以為，好似我婆婆啦，某啲親戚，又或係一般觀眾，都認係咪嗰隻狗呷醋？嗰陣我媽媽養咗三隻都柏文，當咗做仔咁樣養，仲瞓埋喺隔離。到我出生之後，為咗保護啲小朋友，其實就送咗去婆婆屋企，我畀隻狗咬，其實發生喺婆婆屋企。」

李泳豪話，隻狗非常聰明，曾經喺許冠文諗劇《鐵板燒》有場戲，講述許冠文被老婆懷疑出嚟偷情，放狗去追佢，最後追到電燈柱。佢續指，事之前一個星期，表舅父同太婆不約而同睇到花園有塊透明嘅東東，似棉花又唔似，後來有觀眾打電話畀《怪談》時話，曾見到紅衣女人靈體跌落天花板嚇到死。佢認為唔係冤親債主，可能附近真係有很多靈體，綜合講，隻狗有一點醋意，但唔會咁誇張。